ಗೆಳತಿ ನಿನ್ನ ಮೋಹದ ಬಗೆ

  ಗೆಳತಿ ನಿನ್ನ ಮೋಹದ ಬಗೆ

ಗೆಳತಿ ನಿನ್ನ ಈ ಪ್ರೀತಿಯ

ರೀತಿ ಮಾಡಿದ ಮೋಹದ ಬಗೆ
ಮನವರಳಿತು ಹೃದಯ ಪುಟಿದೆದ್ದು
ಹಾಡಿದೆ ಇಂದು
ಸುಖವೆನ್ನಲೇ ಕುಶಿಯನ್ನಲೇ
ನನ್ನ ಭಾಗ್ಯಕ್ಕೆ ನಲಿಯಲೇ
ಯಾವ ರಾಗದಿ ಹಾಡಿದರು
ನನ್ನ ಸಂತೋಷವನ್ನು ಬಿಚ್ಚಿ
ತೋರಲಾರದು
ನೀ ನನಗಿತ್ತ ಪ್ರೀತಿಯ ಉಡುಗೊರೆಗಳ
ಎಷ್ಟೆಂದು ಬಣ್ಣಿಸಲಿ ನೀ ಕೊನೆಗಿತ್ತ
ಆ ನೋಟಕ್ಕೆ ಮನಸೋತಿದೆ
ನೆನೆಯುತ್ತ ಸವಿಯುತ್ತ
ಮನದ ಉಲ್ಲಾಸಕ್ಕೆ
ತೆರೆ ಸರಿದಿದೆ ಸಂಭ್ರಮಕ್ಕೆ
ಎಷ್ಟೊಂದು ಒಲವೆ ನಿನಗೆ ನನ್ನ ಮೇಲೆ
ಈ ಜನುಮ ಸವೆದರು ತೀರಿಸಲಾರೆ
ನನಗೆಂತ ಅದೃಷ್ಟ ನೀ ತಂದೆ
ನಿನ್ನ ಮೊಗರವಿಂಧದ
ಪೂರ್ಣ ಚಂದ್ರನ ತೋರುತ್ತ
ನನ್ನ ಬಾಳಿಗೆ ಎಂದೂ
ಮಾಸದ ಬೆಳಧಿಂಗಳಾಗಿ ಬಂದೆ
ನಿನ್ನ ನಯನಕ್ಕೆ ಸೋಲಲೇ
ನಿನ್ನ ಮುಗುಳುನಗೆಗೆ ಮಣಿಯಲೇ
ನಿನ್ನ ಮೌನದೆ ತೋರಿದ
ನೂರು ಮುಖಭಾವಕ್ಕೆ
ನಾ ಸೋತು ಶರಣಾಗಲೇ
ಒಮ್ಮೊಮ್ಮೆ ನಿನ್ನ ಸೌಂದರ್ಯ ನೆನೆಯುತ್ತ
ಕನಸಲ್ಲಿ ಬಣ್ಣ ತುಂಬುವೆ
ಒಮ್ಮೊಮ್ಮೆ ನಿನ್ನ ಮಾತು ನೆನೆಯುತ್ತ
ತನ್ನೊಳಗೆ ನಗುತ್ತ ನಲಿವೆ
ಬಣ್ಣಿಸಲಾರೆ ನುಡಿಯಲಾರೆ
ಹಾಡಲಾರೆ ಮನದಲ್ಲಾಡೋ
ನೂರಾರು ಭಾವಗಳ
ಹೇಗೆ ನಾ ತೋರಲೇ
ನಾ ನಿನ್ನ ಮನಸಾರೆ ಪ್ರೀತಿಸುವೆ
ನಿನ್ನಿಲ್ಲದೆ ಬಾಳಲಾರೆ
ನಿನ್ನ ಒಲವಿಲ್ಲದೆ
ಬದುಕಲಾರೆ
ಇಷ್ಟು ಹೇಳಿ ನನ್ನ
ಕವನ ಮುಗಿಸಬಲ್ಲೆ
ಆದರು ಮುಗಿಯಲಾರದಷ್ಟು
ಪ್ರೀತಿ ಕೊನೆಯಾಗಲಾರದಷ್ಟು
ಮಾತು ನನ್ನ ಮನದಾಳದೆ
ಇನ್ನು ಇದೆ
 
ನಿನ್ನ ಪ್ರೀತಿಯ ಸವಿ ಕನಸಲ್ಲಿ
ಬಾಳುತ್ತಿರುವ ಈ ನಿನ್ನ

~ಸಂಜು ~