ಮಿಲನ

    ಮಿಲನ

 

ನಿನ್ನ ಸೇರುವ ಅದೃಷ್ಟ ಬಂತು

ಮನ ಅಮಲಿನಲ್ಲಿ ತೇಲಿತು

ಕುಪ್ಪಳಿಸಲು ಆಗಸಕ್ಕೆ ಜಿಗಿಯಲು

ಕಾಲಿಗಿದ್ದ ಸರಪಳಿಯ ನೆನಪಾಯಿತು

 

ದಿನಗಳ ಎಳೆದೆಳೆದು ತಂದಿದ್ದೆ
ಈ ಸುದಿನಕ್ಕೆ ನಿನ್ನ ಸೇರಲಿಕ್ಕೆ
ಮನ ಉಲ್ಲಾಸ ಪಡುವ ಆಸೆ
ಎಲ್ಲೋ ಭಯದ ಛಾಯೆ
ನನ್ನಾವರಿಸಿ ಸುಖ ಮರೆಸಿದೆ

ನಿನ್ನ ನೆನಪಿನಲ್ಲಿ ಹರಿದ ಕಣ್ಣೀರು
ಇಳಿದ ಒಂದೊಂದು ಹನಿಯಲ್ಲೂ
ನಿನ್ನ ಚಿತ್ರ ಕಾಣಿಸುತ್ತಿತ್ತು
ಎಷ್ಟೋ ಸಾರಿ ಬತ್ತಿದ್ದು ಉಂಟು
ಕಾಣದೆ ನಿನ್ನ ಚಿತ್ರಕ್ಕೆ ಮನ
ಪರಿತಪಿಸುತಿತ್ತು

ಇಂದು ನಿನ್ನ ಸೇರುವ ಅದೃಷ್ಟ ಬಂತು
ದುಃಖದಲ್ಲೋ ಸುಖದಲ್ಲೋ
ಕಣ್ಣು ಮನವೆರಡು ತೆವಗೊಂಡಿವೆ
ಭಯದಲ್ಲೋ ಆತುರದಲ್ಲೋ
ಹೃದಯ ನಡುಗುತ್ತಿದೆ

~ಸಂಜು