ಹಾರುವ ಹಕ್ಕಿ ನಾನು

ಹಾರುವ ಹಕ್ಕಿ ನಾನು

ನೆಲೆ ಇಲ್ಲದ ಪಯಣ

ನೆನಪಿನಲೆ ಒಂದಿಷ್ಟು

ನೋವಿನಲೆ ಇನ್ನೊಂದಿಷ್ಟು

ಜೊತೆಗೋಡಿ ಸಾಗಿದೆ ಪಯಣ

ಒಂಟಿ ಯಾನ

ಸಿಕ್ಕದ್ದು ಹೆಕ್ಕುತ್ತ

ನಡೆದಿದೆ ಜೀವನ

ಓಲೈಸುವ ಹೃದಯವಿಲ್ಲ

ಸ್ಪಂದಿಸುವ ಮನಸುಗಳು

ಇಲ್ಲ

ಬದುಕಿನ ಈ ಪರಿಯ

ಪಯಣ

ಒಮೊಮ್ಮೆ ಮೋಡಗಳ ಒಳಗೆ

ಒಂಟಿಯಾಗಿ ಕೆಳಗೊಡಿ

ಬಂದರೆ ಮತ್ತದೇ

ನೀರವತೆಯ ಮೌನ

ನೋವಿನ ಅಣು ಕ್ಷಣ ಕ್ಷಣ

ಜೊತೆ ಇಲ್ಲದ ಪಯಣ

ಗಾಳಿ ತೂರಿದತ್ತ ಸಾಗಿದೆ

ಶಕ್ತಿ ಮೀರಿ ಹಾರಿದೆ

ಇನ್ಯಾವ ಉರು

ಮತ್ಯಾವ ದೇಶ

ಗುರಿ ಇಲ್ಲದ ಪಯಣ

ಸಂಜು