ನಿನ್ನಾರಸುವ ದುಂಬಿ ಅಳಲು
****************
ನಿನ್ನ ಅಕ್ಕಪಕ್ಕದ
ಮುಳ್ಳು ಎಲೆಗಳಿಗೆಂತು
ಅದೃಷ್ಟ ದಿನವು ನಿನ್ನೊಂದಿಗೆ
ಆಟವಾಡಿ ನಿನ್ನ ಸಾಂಗತ್ಯದಲ್ಲಿ
ಸಂತಸ ಪಡೆವೆವು ಸುಮವೇ
ನಾ ದುಂಬಿ ಹಾಗೊಮ್ಮೆ
ಹೀಗೊಮ್ಮೆ ಹಾರಿಬರುವೆ
ನಿನ್ನ ನೋಡಲೇ.... ಇಲ್ಲ
ಪ್ರೀತಿ ಮಾಡಲೇ
ಅವಸರದಲ್ಲಿ ನನ್ನೇ ನಾ
ಬಿಟ್ಟು ಹಾರುವೆ
ನಿನ್ನ ಪಕ್ಕದ ಎಲೆಯಾಗುವ ಆಸೆ
ನಿನ್ನ ಹಿಡಿದಿರುವ ದಂಟಾಗುವ ಆಸೆ
ಕೊನೆಪಕ್ಷ ನಿನ್ನ ರಕ್ಷಿಸುವ
ಮುಳ್ಳಾಗುವ ಆಸೆ
ನಿನ್ನಾರಸುವ ದುಂಬಿಯಾಗಿ
ಹುಟ್ಟಿದು ನನ್ನ ತಪ್ಪೇ ಹೂವೆ
ಸಂಜು
No comments:
Post a Comment