Friday, January 11, 2013

ನನ್ನ ಉಸಿರ ತುಂಬೆಲ್ಲ ನಿನ್ನದೇ ಹೆಸರು


ನನ್ನ ಉಸಿರ ತುಂಬೆಲ್ಲ
ನಿನ್ನದೇ ಹೆಸರು
ನಿನ್ನ ನೆನಪೇ ನನ್ನ
ಆವರಿಸಿದೆ
ಸಂಜೆಯಿಂದ
ಮುಂಜಾವಿನವರೆಗು

ನೀ ನನ್ನ ದಿನಗಳಲ್ಲಿ
ನನ್ನ ರಾತ್ರಿಗಳಲ್ಲಿ
ಈ ನನ್ನ ಮೌನಗಳಲ್ಲಿ
ನನ್ನೆದೆಯ ಮಾತುಗಳಲ್ಲಿ
ತುಂಬಿರುವೆ
ಸಾಗುವ ಮೇಘಗಳೊಂದಿಗೆ
ಈ ನನ್ನ ಸಂದೇಶ
ಕಳುಹಿಸಲೇ

ಕಣ್ಣುಗಳಲಿ ಈ ನಿನ್ನ
ಬಿಂಬವೇನು
ನನ್ನ ಹಣೆಬರಹದ
ನೀನೆ ಏನು
ಸುವರ್ಣ ಅಕ್ಷರ
ನಿನ್ನೆದೆ ಬಡಿತದಿಂದ
ನನ್ನೆದೆ ಬಡಿತಕ್ಕೆ
ಸಂಕೊಲೇನು

ಹೂವುಗಳಲ್ಲಿ
ಮಂಜಿನ ಹನಿಯಂತೆ
ಬಣ್ಣಗಳ ಸುಂದರ
ರಂಗೋಲಿ ಇಟ್ಟಿದೇ
ನಿನ್ನದೇ ನೆನಪು
ನನ್ನ ಒಲವೆ

ಈ ಸಂಜೆಯ ತಂಗಾಳಿಯು
ಹೂವುಗಳ ನಗುವಿನ
ಇಂಪಾದ ರಾಗಗಳು
ಜುಳು ಜುಳು ಹರಿಯುವ
ನದಿಯ ಕಲರವು
ಸಾರುತ್ತಿದೆ
ನೀನಿಲ್ಲದೆ ಏನೋ
ಕಮ್ಮಿಯಂತೆ

ಹುತೋಟದ ಧುಂಬಿಯಾ
ಝೆಂಕಾರದ ನಾದೊಂದಿಗೆ
ಮರದ ಕೋಗಿಲೆ ದನಿಗೂಡಿಸಿದೆ
ನನ್ನೀ ಏಕಾಂತದ ಗೀತೆಗೆ
ನಿನ್ನ ಬರುವಿಕೆಯ ಸ್ವಾಗತಕ್ಕೆ

ಸಂಜು

No comments:

Post a Comment