ನನ್ನ ಗೆಳತಿಗೆ ಒಂದು ಪ್ರೇಮ ಪತ್ರ

 ನನ್ನ ಎದೆಯ ಸಿಂಹಾಸನದ ಅರಸಿ
ಏನೆಂದು ಕರೆಯಲಿ ನಿನಗೆ
ನನ್ನ ಒಲವೇ , ನನ್ನ ಹೃದಯವೇ , ನನ್ನ ಜಿವವೇ ,
ಸಾಲಲಿಲ್ಲ ನನ್ನ ಮನದ ಷೋಡಶಿ

 ಏನೆಂದು ಬರೆಯಲಿ ನಿನಗೆ
ನನೊಲುಮೆಯ ಗೆಳತಿ , ನನ್ನ ಬಾಳಸಂಗಾತಿ, ನನ್ನ ಒಡತಿ ,
ಸಾಲಲಿಲ್ಲ ನನ್ನ ಮನದ ರೂಪಸಿ
ನಿನ್ನ ಪ್ರೀತಿಯ ನೆರಳಲ್ಲಿ
ನನ್ನ ಬಾಳು ಹಸನಾಗಿರಲಿ
ನನ್ನೆಲ್ಲಾ ಭಾವಗಳ ಬಲ್ಲೆ ನೀನು
ಪ್ರತಿ ಸ್ಪಂದನ ಹೀಗೆ ಸದಾ ಇರಲಿ
ನಿನ್ನ ಕಣ್ಣ ಬಿಂಬದಲ್ಲಿ ರೂಪ ನಾನು
ಆ ಚಿತ್ರ ಮಾಸದಿರಲಿ
ಬೇರೇನೂ ಕೇಳೆನು ನಾನು
ಬೇರೇನೂ ಬೇಡೆನು ನಾನು

ನನ್ನ ಹೃದಯ ಹೊತೋಟದಲ್ಲಿ
ಹಸಿರಾ ಚೆಲ್ಲಿದವಳು ನೀನು
ಒಣಗದಿರಲಿ ಬರಡಾಗದಿರಲಿ
ನನ್ನ ಕನಸು ಕಲ್ಪನೆಗಳಿಗೆ
ಹೊಸ ಜೀವ ತಂದವಳು ನೀನು
ಒಡೆಯದಿರಲಿ ಸಾಯದಿರಲಿ
ಬೇರೇನೂ ಕೇಳೆನು ನಾನು
ಬೇರೇನೂ ಬೇಡೆನು ನಾನು

ನನ್ನ ಜೀವವಾಗಿ ಬಾ ಹೊಸ ಚೇತನವನ್ನು ತಾ
ನನ್ನ ಬಾಳ ಹೂದೋಟದಲ್ಲಿ ಹೊಸ ಚಿಲುಮೆಯಾಗಿ ಬಾ
ಬೇರೇನೂ ಕೇಳೆನು ನಾನು
ಬೇರೇನೂ ಬೇಡೆನು ನಾನು

~ಸಂಜು~