ಒಂಟಿ ವಿರಹಿ ಹಕ್ಕಿ ಹಾಡು

  ಒಂಟಿ ವಿರಹಿ ಹಕ್ಕಿ ಹಾಡು

ಸನಿಹವು ಇಲ್ಲದ , ದೂರವು ಇಲ್ಲದ
ನಿನ್ನ ಒಲವು,  
ಕಾಡುತಿದೆ ಹಗಲು ಇರುಳು
ಬಳಲಿಕೆಯ ನೋವು

ತೊಂಬೆಯ ಗಿಡದ ರಂಬೆಯ

ತೂಗೂಯಲ್ಲೆ ಆಟ ಕ್ಷಣ ಕ್ಷಣ
ಪದೆ ಪದೇ ಮುತ್ತಿಕ್ಕಿ ಹೋಗುವ
ನಿನ್ನ ನೆನಪಿನ ಸಿಂಚನ
 
ಸನಿಹವು ಇಲ್ಲದ , ದೂರವು ಇಲ್ಲದ
ನಿನ್ನ ಒಲವು,  

ಒಬ್ಬೊಂಟಿ ಈ ಜೀವನ

ನೆನಪಲ್ಲೇ ಸಂಸಾರ ಸಮ್ಮಿಲನ
ಕನಸಲ್ಲೂ ಬಿಂಕದ ಹುಸಿ ಕೋಪ
ಕಣ್ಣು ಬಿಟ್ಟರೆ ಎಲ್ಲ ಮಾಯಾ
ಮತ್ತದೇ ಒಂಟಿತನದ ಶಾಪ

ಸನಿಹವು ಇಲ್ಲದ , ದೂರವು ಇಲ್ಲದ

ನಿನ್ನ ಒಲವು,  

ದೂರ ತೀರದಿಂದಲೇ

ವರ್ಷ ವಾಗಲಿ ನಿನ್ನ ಪ್ರೀತಿ ಅಮೃತ ಧಾರೆ
ಆಗದಿರಲಿ ತಿಳಿ ನೀಲಿ ಆಗಸದಲ್ಲಿ
ಕೊಂಚ ಸುರಿದು ಹೋಗೋ ಬಿಸಿಲು ಮಳೆ
 
ಸನಿಹವು ಇಲ್ಲದ , ದೂರವು ಇಲ್ಲದ
ನಿನ್ನ ಒಲವು,  
ಕಾಡುತಿದೆ ಹಗಲು ಇರುಳು
ಬಳಲಿಕೆಯ ನೋವು

~ ಸಂಜು ~