Friday, April 20, 2012

ಮಲಗು ನನ್ನ ಮುದ್ದು ಮಗುವೆ


 ಚಿನ್ನದಂತ ತೊಟ್ಟಿಲಲ್ಲಿ, ಬಣ್ಣದ ಗಿಲಕಿಲಿ
ಮಲಗಿಸು ಎನ್ನ ಮುದ್ದು ಕಂದನ
ಸುಗಂಧದ ಸಂಬ್ರಾಣಿ ದೂಪವೆ,
ಕೆನ್ನೆಗೆ ಇಟ್ಟ ಕಪ್ಪು ಕಾಡಿಗೆ
... ಮಲಗಿಸು ಎನ್ನ ರಾಜಕುಮಾರನ
ಮೆತ್ತೆನೆಯ ಹಾಸಿಗೆಯ ಅರಳೆ,
ಚಿತ್ರದ ಮಲಗುಮೂಡೆ
ಬೆಚ್ಚನೆ ಮಲಗಿಸು ಎನ್ನ ಹಸು ಕಂದನ
ತಣ್ಣನೆಯ ಗಾಳಿಯೆ, ಗಂಧದ ಪರಿಮಳವೆ
ಮಲಗಿಸು ಎನ್ನ ಮುದ್ದು ಕಂದನ
ಈ ಹಾಡಿನ ರಾಗ, ನನ್ನ ಉಸಿರ ಸಂಗೀತವೆ
ಜೋ ಜೋ ಲಾಲಿ ಮಲಗಿಸು ಎನ್ನ ಕುಮಾರನ
ಬೆಳದಿಂಗಳ ಚಂದಮಾಮನೆ,
ತಳ ತಳಿಸುವ ನಕ್ಷತ್ರವೆ
ಮಲಗಿಸು ಎನ್ನ ಚಿತ್ತ ಚೊರನ
ಚಿನ್ನದಂತ ತೊಟ್ಟಿಲಲ್ಲಿ, ಬಣ್ಣದ ಗಿಲಕಿಲಿ
ಮಲಗಿಸು ಎನ್ನ ಮುದ್ದು ಕಂದಮ್ಮನ.
~ಸಂಜು~

No comments:

Post a Comment