Friday, April 6, 2012

ಬರಬಾರದ ಕಾಲ ಬಂದೈತೆ , ಮೈತುಂಬ ಸಾಲ ತಂದೈತೆ

ಬರಬಾರದ ಕಾಲ ಬಂದೈತೆ
ಮೈತುಂಬ ಸಾಲ ತಂದೈತೆ 

 ಎಷ್ಟು ದುಡೀದ್ರು ಸಂಸಾರ ನಡೀತಿಲ್ಲ
ತಿಂಗಳ ಕೊನೆ ಮತ್ತೆ ಸಾಲ ತಪ್ಪಿದಲ್ಲ

ತಿಂಗಳು ತಿಂಗಳು ಹಬ್ಬಗಳಿಗೇನು ಕಮ್ಮಿ ಇಲ್ಲ
ಬಡ್ತಿ, ಬೋನಸ್ಸೂ ಕನಸ್ನಾಗೆ ಕೂಡ ಬರಕಿಲ್ಲ

ಮನೆ ತುಂಬ ಮಕ್ಕಳು ನೊಡಾಕೆ ಎರಡು ಕಣ್ಣು ಸಾಲ್ದು
ಯಾಕೆ ಬೆಕ್ಕಿತ್ತು ಇ ಕರ್ಮ ನನ್ನ ಹೆಂಡ್ರು ಗೊಣಗತಿದ್ಲೂ

ದ್ಯವರು ಕೊಟ್ಟ ಸುಮ್ಕಿರ್ರೊ ಅಂತ ಅಜ್ಜಿ ಮೂಲೇಲಿ
ನಿನ್ನ ಎಲಿ ಅಡಿಕೆ ಚಟ ಮುಗಿಲಿಲ್ಲ ಅಂತ ಬೈಕೊಂಡೆ ಮನಸ್ಸಲ್ಲೆ

ಶಾಲೆ ಫಿಸು , ಕರೆಂಟ್ ಬಿಲ್ಲು , ಫೋನ್‌ ಬಿಲ್ಲು, ನಗತಾವೆ ಮೂಲೆಲ್ಲಿ
ಬಾಡಿಗೆ ವಸೂಲಿ ಮಾಡಾಕೆ ಬಂದವನೇ ಶೆಟ್ರು ಬಾಗಿಲಲ್ಲಿ

ಬಂಡ ಬಡ್ಡಿ ಮಕ್ಕಳು ಎಷ್ಟು ಉಗಿದ್ರು ಮಾನಮರ್ವದೆ ಇಲ್ಲ
ಅಂತ ಬೈಕೊಂಡು ವಂಟ ಬಂದ ದಾರಿಗೆ ಸುಂಕ ಇಲ್ಲ

ಹೆಂಗಪ್ಪೊ ಶಿವನೆ ಅಂತ ತಲಿಮೇಲಿ ಕೈಹೊತ್ತು ಕುಂತ್ರೆ
ತಿರುಪತಿ ತಿಮ್ಮಾಪ್ಪನ ಪ್ಯಕೇಜ ಟ್ರಿಪ್ ನಿಲ್ಲಂಗಿಲ್ಲ ಹರಕೆ

ದೇಶ ಕೊಳ್ಳೆ ಹೊಡೆದವ್ರ ಮನೆ ಹಾಳಾಗ
ನಮಗೂ ವಾಸಿ ಕೊಟ್ರೆ ಅವನಿಗೆನು ಸವಿತದ

ಆಫಿಸ್ನಾಗೆ ಸಾಲ್ಗಾರ್ರು ಮನೆತನ್ಕಾ ಬತ್ತವ್ರೋ
ದಿನಸಿ ಅಂಗಡಿ ಕಾಕಾ ದಾರಿಲೆ ಬೈತವ್ನೋ

ತಿಂಗಳಿಗೆ 25 ರೂಪಾಯಿ ಲಾಟರಿನು ಹೊಡೀಲಿಲ್ಲ
ಹೊಡೆದದ್ದು ಬರೀ ಗ್ರಹಚಾರಗಳೆ ತಡಕಳಕ್ಕೆ ಅಗ್ತಿಲ್ಲ

~ಸಂಜು~

No comments:

Post a Comment