ಬಾ ಬೆಳಕೇ ನನ್ನೊಳಗೂ

ಬಾ ಬೆಳಕೇ ನನ್ನೊಳಗೂ
ಅಂಧಕಾರ ತುಂಬಿಹುದು
ಹೊಸ ಬೆಳಕಾಗಿ ಬಾ
ಹೊಸ ಹುರುಪಾಗಿ ಬಾ

ಬಾ ಒಲವೇ ನನ್ನೊಳಗೂ
ಬರಡು ಜೀವನವಾಗಿಹುದು
ಹೊಸ ನೆನಪಾಗಿ ಬಾ
ಹೊಸ ಕನಸಾಗಿ ಬಾ

ಬಾ ಚೇತನ ನನ್ನೊಳಗೂ
ನಿಶಕ್ತಿ ತುಂಬಿಹುದು
ಹೊಸ ಜೀವಸತ್ವವಾಗಿ ಬಾ
ಹೊಸ ಲೋಹ ತುಂಬು ಬಾ

ಬಾ ಮಳೆಯೆ ಚಿಟಪಟಿಸು
ಬಿರುಕು ಬಿಟ್ಟಿದೆ ಮನಸ್ಸು
ಹೊಸ ನೀರಾಗಿ ಬಾ
ಹೊಸ ಮೊಳಕೆಯೊಂದನ್ನು ತಾ

ಬರೀ ಬ್ರಹ್ಮ ಹೊಸ ಹಣೆಬರಹವಾ
ಎಲ್ಲೋ ಮಸಿ ಅಚ್ಚಿ ಅಳಿಸಿರುವೆ
ಹೊಸ ಅಕ್ಷರವಾಗಿ ಬಾ
ಹೊಸ ಶೈಲಿಯಾಗಿ ಬಾ

ಬಾ ಸೂರ್ಯ ಉದಯಿಸು
ಇರುಳು ತುಂಬಾ ಸೋತಿಹುದು
ಹೊಸ ಕಿರಣವಾಗಿ ಬಾ
ಹೊಸ ಬದುಕನ್ನು ತಾ

ಬಾ ಸಾವೇ ಸಂಭವಿಸು
ಬದುಕು ಸುಟ್ಟು ಬೆಂದಿಹುದು
ಹೊಸ ಚಿತೆಯಾಗಿ ಬಾ
ಹೊಸ ಅಗ್ನಿಯನ್ನು ತಾ

~ ಸಂಜು ~