ಮಣ್ಣಿನಿಂದ ಮಾಡಿದ ಗೊಂಬೆ ನಾನು

ಮಣ್ಣಿನಿಂದ ಮಾಡಿದ  ಗೊಂಬೆ ನಾನು
 ಮಣ್ಣಿನಲ್ಲೇ ಕಲೆಸಿಹೋದೆ ನಾನು

 ವಿಧಿ ಬಿಡಿಸಿದ ಸುಂದರ ಚಿತ್ರ ನಾನು
 ಚಿತ್ರ ಹರಿದು ಬಣ್ಣ ಕರಗಿ ಹೋದೆ ನಾನು
... ...
 ಅಮ್ಮ ಇಟ್ಟ ಪುಟ್ಟ ಅಂಗಿ ನಾನು
 ಅಂಗಿ ಮಾಸಿದ ಮುಸುರೆ  ಬಟ್ಟೆ ನಾನು

 ಅಪ್ಪ ಕೊಟ್ಟ ಸಣ್ಣ ಬಳಪ ನಾನು
 ಬರೆದು ಮುರಿದು ಕರಗಿ ಹೋದೆ ನಾನು

 ಅಣ್ಣ ಕೊಟ್ಟ ರಾಟೆ ಗಾಳಿಪಟವು ನಾನು
 ಸೂತ್ರ ಹರಿದು ಬಳಗ  ಬಿಟ್ಟು ಹಾರಿ ಹೋದೆ ನಾನು

 ಅಕ್ಕ ಕಥೆಯ ಹೇಳಿ ಮಲಗಿಸಿದ ಮಗುವು ನಾನು
 ರಟ್ಟೆ ಬಲಿತರೋ  ಸಾರಾಂಶ ಅರಿಯದವನು ನಾನು

 ತಂಗಿ ಉಳಿಸಿ ತಂದು ಕೊಟ್ಟ ತಿಂಡಿ ನಾನು
 ತಿಂಡಿ ತಿಂದು ಲಂಗಕ್ಕೆ ಒರೆಸಿ  ಹೋದ ಮಂಗ ನಾನು
 ಮೇಸ್ಟ್ರು ಹೇಳಿಕೊಟ್ಟ ಪಾಠ ನಾನು
 ಪಾಠ ಮರೆತು ಸೊನ್ನೆ ತಂದ ಅಂಕಪಟ್ಟಿ ನಾನು